Ұлттық банк «Қазақстан қор биржасы» АҚ (KASE) саудаларында валюталық интервенция жүргізуін жалғастырды. 2 қазан реттеуші  ұлттық валютаны қолдау мақсатында 106,5 млн доллар  жұмсады. Бұл туралы Ұлттық банктің баспасөз қызметі хабарлады.

Осылайша, Ұлттық банк жалпы көлемі 1 млрд 384,05 млн доллар болатын валюталық интервенция жүргізді. Еске салайық, интервенция 16 қыркүйектен басталып, Ұлттық банк нарыққа 144 млн доллар салған еді. 30 қыркүйектегі Ұлттық банктің интервенциялауға жұмсаған қаражаты 1 млрд долларға жетті.