Алматы. 24 қазан. 7kun.kz — Қазақстанда әлеуметтік  желілерде қоғам талқысына түскен номиналы әр түрлі жаңа монеталарға қатысты ақпарат тарады. Осыған орай ҚР Ұлттық Банкі ресми мәлімдеме жасады.

"Әлеуметтік желілер мен мессенджерлерде әр түрлі номиналдардағы жаңа монеталарды шығару және оларды жақын арада айналымға енгізу туралы ақпараттың таратылуына байланысты, бұл мәліметтер шындыққа сәйкес келмейді деп хабарлаймыз. Таратылатын суреттерде әр жылдары шығарылған коллекциялық монеталар бейнеленген", - делінген ҰБ хабарламасында.

Ұлттық Банк халықты осындай ақпаратқа абайлап қарап, деректерді тексеруді сұрады. Ресми ақпарат ведомствоның сайтында және оның әлеуметтік желілерде орналастырылады.

Бұған дейін хабарланғандай, 2020 жылы Ұлттық банк номиналы 200 теңге теңгесін айналымға шығаруды жоспарлап отыр. Бұл шешім төменгі номиналдардың ақша қаражатының қызмет ету мерзімін ұлғайту үшін қабылданды.

Номиналы 200 теңгелік банкноттар 1-1, 5 жыл ішінде тозады. Салыстыру үшін жоғары номиналдағы банкноттар мен монеталар айтарлықтай ұзағырақ қызмет етеді. Монеталардың қызмет ету мерзімі - 10-15 жыл.

"200 теңгелік банкноттар заңды төлем құралы болып қалады және төлемдердің барлық түрлері бойынша қабылдауға міндетті. Олар табиғи тозуына байланысты айналымнан алынады", - деді Ұлттық Банкте.