Алматы. 5 ақпан. 7kun.kz — 2020 жылдың қаңтарында Ұлттық қордан 575 млрд теңге бөлінді.

Ұлттық банктің ақпараты бойынша, кепілдендірілген аударымдарды бөлу үшін қордың теңгедегі шотындағы қаражат қалдығы пайдаланылды. Оны толтыру өткен жылдың қараша және желтоқсан айларындағы таза түсімдердің арқасында болды.

"2020 жылдың қаңтарында Ұлттық қордан бөлінген кепілдендірілген трансферттердің көлемі 575 млрд теңгені құрады. Оларды қамтамасыз ету үшін бас банк қордың валюталық активтерін 489,4 млн долларға(186 млрд теңгеге жуық) айырбастау операцияларын жүргізді", – деп хабарлады қадағалау ведомствосында.