Маңғыстау облысы. 20 қыркүйек. 7kun.kz – Маңғыстау облысында көлік екі түйені қағып, салдарынан екі адам қаза тауып, тағы бесеуі жарақат алды, деп хабарлайды 7kun.kz.

16 қыркүйекте Қарақия аудандық полиция бөлімінің кезекші бөліміне Жаңаөзен-Жетібай-Ақтау тасжолында жол апаты болғаны туралы қоңырау келіп түсті.

Шетпе ауылына қарай бет алған ВАЗ-21154 көлігінің жүргізушісі екі түйені қағып кетті. Жол апаты салдарынан екі жолаушы алған жарақатынан оқиға орнында көз жұмды, жарақат алған бес адам ауруханада жатыр.

Аталған факті Қазақстан ҚК-ның 345-бабы бойынша тіркеліп, сот-медициналық сараптама тағайындалды.