Нұр-Сұлтан. 11 мамыр. 7kun.kz – ҰҚК-нің бұрынғы басшысы Кәрім Мәсімовтен басқа, қамауға алу мерзімін бұрынғы ҰҚК басшысының орынбасары Әнуар Садықұлов пен Дәулет Ерғожиндікі де ұзартылды. Бұл туралы ҰҚК баспасөз қызметі хабарлады.

Кәрім Мәсімов пен оның орынбасары Әнуар Садықұлов 8 қаңтарда ұсталды. 13 қаңтарда билікті күшпен басып алуға бағытталған іс-әрекеттер фактілері бойынша тергеу басталды.

Кәрім Мәсімовтің ісі Қылмыстық кодекстің бірнеше бабы бойынша тергелуде: "пара алу, билік пен лауазымдық өкілеттікті асыра пайдалану", сондай-ақ "мемлекетке опасыздық жасау". 

Тергеу "өте құпия" түрде жүргізілуде.