Мұнай өндіруші елдер мұнай өндірісіне шектеу қою туралы жаңалықтың аясында 32 млрд доллар пайда тапқан. Бұл туралы Bloomberg хабарлайды.  Сауд Арабиясы мен Ресей шикізат өндірісін азайту мәселесін қарастырып жатқандығы туралы жаңалық шыққанда мұнай бағасы 29%-ға дейін қымбаттады.

Нәтижесінде 2 ай ішінде әлемдегі барлық қара алтын бағасы шамамен 32 млрд долларға дейін жоғарылаған. Осы уақыт аралығында Ресейдегі мұнай 3,7 млрд долларға, ал Сауд Арабиядағы шикізат 3,3 млрд долларға қымбаттады. Доха келіссөздеріне қатыспаған елдерде табыс тапты. АҚШ-та өндірілетін шикізат құны 2 ай аралығында 3 млрд долларға, ал Канададағы мұнай 1,5 млрд долларға көбейген.