Алматы. 9 тамыз. 7kun.kz – Египет үкіметі Каирден 640 шақырым жерде, Сахара шөлінде әлемдегі ірі Benban күн электр стансасын салып жатыр. Жоспар бойынша бұл құрылыс келесі жылы аяқталуға тиіс, деп хабарлайды ТАСС.

Электр стансасы 1,8 ГВт электр қуатын жинай алады. Бұл нысан елдегі 1 млн отбасын энергиямен қамтамасыз етеді, деп жазады The Los Angeles Times.

Жоба  құны 2,8 млрд долларға бағаланып отыр. Benban 4 мың адамды жұмыспен  қамтамасыз етеді.

Айта кетсек, бүгінгі таңда мысырда  90%  астам  электр энергиясы мұнайдан және газдан алынады.