Ұлттық статистика бюросының мәліметінше, 2022 жылдың наурыз айында Қазақстандағы бір қызметкердің орташа еңбекақысы 275 438 теңгеге дейін өсті, деп хабарлайды 7kun.kz.

Бюро таратқан ақпаратқа сәйкес, халықтың орташа жан басына шаққандағы атаулы ақшалай табысы 2022 жылғы ақпан айында 143 246 теңгені (алдын ала мәліметтер) құраған. Бұл 2021 жылғы ақпанмен салыстырғанда 17,3%-ға жоғары, көрсетілген кезеңдегі нақты ақшалай кірістер 7,9%-ға өсті.

Ал 2022 жылғы наурызда жұмыссыздар 457,4 мың адамды құрады.