Алматы. 26 желтоқсан. 7kun.kz - 25 желтоқсанда Қазақстан президенті Нұрсұлтан Назарбаев салық заңнамасын жетілдіруге бағытталған «Салық және бюджетке төленетін басқа да міндетті төлемдер туралы» Кодекске қол қойды. Бұл туралы Ақорданың баспасөз қызметі хабарлайды. 

Бұдан өзге, мемлекет басшысы жаңа Салық кодексінің ережелерін қолданысқа енгізу мерзімдерін айқындайтын «Салық және бюджетке төленетін басқа да міндетті төлемдер туралы» Қазақстан республикасының Кодексін қолданысқа енгізу туралы» Заңына қол қойды. Сондай-ақ, Назарбаев заңнаманы жаңа Салық кодексіне сәйкес келтіруге бағытталған «Қазақстан Республикасының кейбір заңнамалық актілеріне салық салу мәселелері бойынша өзгерістер мен толықтырулар енгізу туралы» Қазақстан республикасының Заңына қол қойды.