Грекияның халықаралық несие берушілері (Халықаралық валюта қоры, Еуропалық орталық банк, Еурокомиссия) елге қаржылық көмек беру бағдарламасын ұзарту туралы шешім қабылдады. Несие берушілер Грекияға 15,5 млрд еуро қарыз беретін болды деп хабарлайды Bloomberg.

Агенттіктің айтуынша, несие беруіші институтың негізгі үшеуі 30 маусым күні бітетін бағдарламаны ұзартуға келісім берген. Енді аталған бағдарлама 5 айға, яғни қараша айына дейін ұзарған. Ұзарту бағдарламасы аясында Афины Еуропа қаржылық тұрақтылық қорынан 8,7 млрд еуро, Еуропалық орталық банкттің Securities Markets Program (SMP) бағдарламасы арқылы 3,3 млрд еуро және Халықаралық валюта қорынан 3,5 млрд еуро алады. Дереккөз жеткізген ақпарат бойынша, аталған ұсыныс Еуротоптың жиналысында талқыға салынатын болады.