Оңтүстік Қазақстан облысы Ордабасы ауданында тұратына кәсіпкер Е.Қыдырбай 154 гектар жерге жерасты жылыжайын салып жатыр. Бұл туралы ОҚО әкімдігінің баспасөз қызметі хабарлады.

Қазіргі уақытта жылыжайдың 30 гектары қолданысқа берілген, 30 адам жұмыспен қамтылған. Мұндай жылыжай түрі арнайы жылыту жүйесін қажет етпейді, себебі жылуды топырақтан алады.

«Алдағы үш жылда жылыжайды толық іске қосып, тағы 100 адамды жұмыспен қамтимыз. Мұнда қызанақ пен қияр ғана өсірілмейді. Жалпы бақша өнімдерінің барлығын өндіреміз деген ойдамыз. 154 гектарды толық іске қосқанда өнімділігі жылына 50-60 мың тоннаға жетеді деп күтілуде», - дейді Е.Қыдырбай.