Оңтүстік Қазақстан облысында бензин тапшылығы жоқ, жанар-жағармай бағалары бұрынғыдай тұрақты. Бұл туралы Оңтүстік Қазақстан облысының жанар-жағармай қауымдастығының төрағасы Қайыпбек Қамбаров Орталық коммуникациялар қызметінің брифингінде мәлімдеді, деп хабарлайды облыс әкімінің баспасөз қызметі.

Оңтүстік Қазақстанда 550 мыңға жуық автокөлік бар. Көліктер, айына, орта есеппен, АИ-92 маркалы 25 мың тонна, АИ-80 маркалы 10 мың тоннаға жуық бензин өнімін тұтынады. Жиын спикерлерінің мәліметінше, өңірде тұтынылатын бензиннің 90 пайызы облыстағы мұнай өңдеу зауытында өндіріледі. Сондықтан, аймақта жанар-жағармай тапшылығы болмауы тиіс. Яғни, облыста бензин қоры жеткілікті.