Алматы. 17 мамыр. 7kun.kz — Он жетінші мамырға арналған металл және мұнай бағамдарының бағасы анықталды.

Мұнай: мұнайдың әлемдік бағасы бейсенбі күні кешке шамамен 2%-ға көтерілді. Нарықтар Таяу Шығыстағы әскери қақтығыстан қауіптенеді, бұл өңірден мұнай жеткізуге әсер етуі мүмкін, оны сауда-саттық деректері дәлелдейді. Сағат 21:42-де Brent маркалы мұнайдың шілде фьючерстерінің бағасы 1,8%-ға, барреліне 73,06 долларға дейін қымбаттады. Ал WTI мұнайының маусымдағы фьючерстері 1,81%-ға, баррелі үшін 63,14 долларға дейін өсті.

Металдар: алтынның құны бейсенбі күні кешке шамамен 1%-ға төмендеді. Америкалық валютаның нығаюы мен қор нарықтарының өсуі қымбат металдың котировкасына әсер етеді, бұл сауда-саттықтың мәліметтері. 22.34-тегі жағдай бойынша Нью-Йорктегі Comex биржасында алтынға арналған маусым фьючерсінің бағасы 11,9 долларға арзандап, бір троялық унциясы 1285,9 долларға сатылды, бұл ретте сәрсенбі күні металл 1300 доллар деңгейінде саудаланды. Күмістің шілде айындағы фьючерс бағасы 1,79%-ға төмендеді, бір троялық унциясы 14,547 долларға сатылды.

Криптовалюталар: Coinmarketcap.com порталының мәліметтері бойынша 22:50-де bitcoin 7 813,24 долларға сатылды. Соңғы 24 сағатта бірінші криптовалюта 5,64%–ға төмендеп, ал оның капитализациясы 138 млрд долларды құрады. Осы уақытта Ethereum құны 4,04%–ға өсіп, 253,79 долларға сатылды. Бұл криптондық валютаның капитализациясы 26,9 млрд долларды құрады.