Алматы. 22 қараша. 7kun.kz — Қазақстанда еңбек және көші-қон заңнамасын бұзу бойынша кәсіпорындарды тексеру жалғасып жатыр. Еңбек және халықты әлеуметтік қорғау министрлігінде қанша заң бұзушылық анықталғаны туралы хабарлады.

Жалпы, ведомствоның ақпараты бойынша, қазақстандық және шетелдік қызметкерлер арасында еңбекақы төлеудің сәйкессіздігіне жол бермеу мақсатында 30-дан астам экспатты тартатын 95 кәсіпорын тексерілді.

Тексеру барысында еңбек және көші-қон заңнамасын бұзудың 930 фактісі анықталды. Оның ішінде 25 кәсіпорында - 474 еңбекақы төлеудегі сәйкессіздік фактісі тіркелді, яғни, шетелдік қызметкерлердің жалақысы бірдей қызмет атқаратын жергілікті персоналға қарағанда жоғары.

"Тексеріс нәтижесі бойынша жұмыс берушілерге 89 ұйғарым беріліп, 383 әкімшілік іс қозғалды, яғни 92 млн теңге көлемінде 681 жұмыс рұқсаты кері қайтарылды, 393 шетелдік қызметкер елден шығарылды. Бұл жұмыс жалғасып жатыр", – деді министрлікте.

Сонымен қатар, жалпы экспаттардың жұмысы туралы айта келе, ведомствода 2019 жылға арналған шетелдік жұмыс күшін тартуға квота экономикалық қызмет түрлері бойынша жұмыс күшіне 0,54% мөлшерінде немесе 48,7 мың бірлік мөлшерінде бекітілгенін хабарлады.

"2019 жылдың 1 қарашасына жергілікті атқарушы органдар жұмыс берушілерге Қазақстанға шетелдік жұмыс күшін тартуға 22 мың рұқсат берді және ұзартты, олар 7,1 млрд теңге салық төлемін төледі. 2018 жылы 8,5 млрд теңге жиналды", – деп нақтылады Еңбек министрлігінде.

Айта кетейік, 2019 жылға арналған рұқсаттарды беру және ұзарту үшін алым ставкалары 137 АЕК-тен (345 925 теңге) 250 АЕК-ке (631 250 теңге) дейін белгіленген.