Алматы. 19 сәуір. 7kun.kz – Құдай Ана шіркеуіндегі өрттің себебі қысқа тұйықталу болды, - деп хабарлайды Ассошиэйтед Пресс агенттігі полиция қызметкеріне сілтеме жасап.

Оның айтуынша, тергеушілер өрттің кездейсоқ болғанын болжап отыр, қазіргі таңда шіркеу қызметкерлерінен және оны жөндеу жұмыстарымен айналысатын мамандардан жауап алынуда.

Полиция қызметкері өрттің басқа нұсқаларына түсініктеме беруден бас тартты.

Француздық БАҚ мәліметтері бойынша, төтенше жағдай қалпына келтіру жұмыстарымен байланысты болуы мүмкін.
Республика прокуроры мәлімдегендей, шіркеудегі өрт қасақана емес, басым нұсқа өрттің кездейсоқ сипаты болып отыр. Халықаралық ұйымдар мен ірі компаниялар шіркеуді қалпына келтіруге қаражат жинауға көмектесті.