Ұялы байланыс абонентеріне енді "105" темір жол анықтама қызметі қолжетімді болады деп хабарлайды "Қазақстан Темір Жолы ҰҚ" АҚ баспасөз қызметі.

2015 жылдың 1 қыркүйегінен бастап ұялы байланыс абоненттері темір жол тасымалдары туралы қажетті ақпараттарды "105" Бірыңғай анықтамалық-ақпарат орталығынан (БААО) біле алады. "Бірыңғай анықтамалық-ақпарат орталығы 2012 жылдың желтоқсан айынан бері жұмыс істеп келеді. Аталған қызмет "ҚТЖ ҰҚ" АҚ - АСУ "ЭКСПРЕСС" бағдарлама кешенімен біріктірілген. Осы арқылы кез келген уақытта қажетті мәліметті білуге болады", - делінген хабарламада. Стационарлы байланыс абоненттерінің барлығына "105" нөмірі қызметін пайдалану тегін. Ал, Kcell және Activ абоненттеріне - ақылы. Ұлттық компанияның баспасөз қызметінің мәліметінше, қазіргі таңда "Қазақтелеком" АҚ және Beeline, Tele2, Altel ұялы байланыс операторларымен БААО қызметін қосу туралы келіссөздер жүргізіліп жатыр", - дейді ҚТЖ баспасөз қызметі.