Алматы. 2 қыркүйек. 7kun.kz – Президент Қасым-Жомарт Тоқаев өзінің Қазақстан халқына арнаған алғашқы Жолдауында қаржыландыруға арналған бірқатар нысандарды атады.

Ішкі істер министрлігін алдағы үш жыл ішінде реформалауға 173 миллиард теңге.

«Бұл қаражат жалақыны көтеруге, тұрғын үйді жалға алуға, халыққа қызмет көрсету орталықтары қағидаты бойынша заманауи полиция бөлімшелерін құруға жұмсалады», - деді Тоқаев.

Оның айтуынша, оның 40 млрд теңгесі ІІМ реформасына бөлінетін қаражат аясында азаматтық қорғау қызметкерлерінің жалақысын арттыруға жұмсалады.

Жаңа жобаларға басымдық бере отырып, таяудағы үш жылда ШОБ-ті қаржылық қолдауды «қалпына келтіруге» 250 миллиард теңге.

«Әлеуметтік аспектілерге баса назар аудара отырып, бизнесті қолдаудың жаңа түрлерін белсенді енгізу қажет – отбасылық бизнес құру, ең алдымен көп балалы және аз қамтылған отбасылар үшін», - деп атап өтті президент.

«Ауыл – Ел Бесігі» жобасын алдағы үш жылда жүзеге асыруға 90 миллиард теңге, биыл бөлінген 30 миллиард теңгеден басқа.

Үш жыл ішінде ерекше қажеттіліктері бар адамдар үшін тең мүмкіндіктер жасауға 58 млрд теңге.

Тегін медициналық көмектің кепілдік берілген көлемін қаржыландыруға 2,8 трлн теңгеден астам қаражат. Міндетті әлеуметтік медициналық сақтандыру жүйесі 2020 жылдың 1 қаңтарынан басталады.

«Өз кезегінде, міндетті медициналық сақтандыру жүйесін енгізу медициналық қызметтердің сапасы мен қол жетімділігін арттыруға бағытталған. Үш жылдық бюджет шеңберінде денсаулық сақтау жүйесін дамытуға қосымша 2,3 трлн астам теңге бағытталатын болады. Үкімет әлеуметтік медициналық сақтандыруды жүзеге асыру мәселесіне барынша жауапкершілікпен қарау керек» - деп нақтылады Мемлекет басшысы.

Үш жыл ішінде кезекте тұрған аз қамтылған көп балалы отбасыларға (30 мыңға жуық) тұрғын үй беру мәселесін шешуге 240 млрд теңге.

«Бастапқыда әлеуметтік бағдарлама ретінде көзделген «7-20-25» бағдарламасы аясында қарыз алушының отбасылық табысының орташа деңгейі айына шамамен 320 мың теңгені құрауы тиіс. Табысы төмен адамдар оны төлей алмады…Жеке меншікке тұрғын үй сатып алу үшін табысы жоқ азаматтарға әлеуметтік жалға алу жағдайында тұруға мүмкіндік беру керек», - деп түсіндірді Тоқаев.

Өңірлерге екі жыл ішінде тұрғын үй қорын жаңғырту мен жөндеуге бюджеттік кредиттер түрінде 30 млрд теңгеден кем емес.

«Коммуналдық желілердің тозуы 65%-дан 57%-ға дейін төмендегеніне қарамастан, бұл көрсеткіш жоғары болып қала береді. Сонымен қатар, 78 мың көп пәтерлі үйлердің 18 мыңнан астамы жөндеуді қажет етеді. Өңірлерді дамыту бюджеті 2022 жылға қарай 800 млрд теңгеден асады», - деп нақтылады президент.

Нұр-Сұлтан мен Қарағандыда, кейіннен Ақмола және Солтүстік Қазақстан облыстарында газ тарату желілерінің құрылысына 56 млрд теңге.

2,7 миллионнан астам адам табиғи газға қол жеткізеді деп күтілуде.

Алдағы үш жыл ішінде қазақстандықтарды таза ауыз сумен және су бұру қызметтерімен қамтамасыз ету үшін 250 млрд теңге.

2022 жылға дейін 1,2 трлн теңге инвестиция «Нұрлы жол» бағдарламасын сапалы жүзеге асыру.

«Бұл стратегиялық жоба, соның арқасында пәрменді жаңғырту барлық көлік инфрақұрылымын қозғайды. Үкімет бұрын да үлкен қаражат бөлді, бірақ олар басым көпшілігінде құмға, дәлірек айтқанда шенеуніктердің қалтасына кетті, алайда таза су, жолдар мен басқа да инфрақұрылым жетіспейді. Бұл жолы Үкімет пен Парламент Есеп комитетімен бірге бюджет қаражатын пайдаланудың абсолютті тиімділігін қамтамасыз етуі тиіс», - деп талап етті Тоқаев.

Бизнесті қолдауға 100 млрд теңге бөлінді.

«Шағын, әсіресе микробизнес елдің әлеуметтік-экономикалық және саяси өмірінде маңызды рөл атқарады. Атап айтқанда, бірінші кезекте ауыл тұрғындарына тұрақты жұмыс беріп, жұмыссыздықты азайтады. Сонымен қатар, салық базасын құру, жергілікті бюджетті нығайту қажет», - деді Тоқаев.

«Дипломмен ауылға» бағдарламасын кеңейтуге 20 млрд теңге.

2022 жылдан бастап Ұлттық қордан кепілдендірілген трансферт көлемі 2 трлн теңгеге дейін біртіндеп төмендейді.