Алматы. 28 сәуір. 7kun.kz – Алматы әкімдігі қаңтар айындағы оқиғалар кезінде өртеніп кеткен және зақымданған автокөлік иелеріне 258 млн теңге төледі, деп хабарлайды 7kun.kz.

Алматы әкімдігіне барлығы 99 өтініш келіп түсті. Қазір жалпы сомасы 258 млн теңгеге 54 өтінім қанағаттандырылды. Қарауда әлі 45 өтінім бар.

Айта кетейік, өтініштерді аудандық әкімдіктер түскен күннен бастап 1 ай ішінде қарайды. Мүлікке келтірілген залалды бағалау тіркелген күннен бастап 7 күн мерзімде  белгіленеді. Оны зардап шеккендердің өзі таңдаған тәуелсіз сарапшылар жүргізеді.