Алматы. 29 сәуір. 7kun.kz – «ҚазАгро» жалғыз акционерінің шешімімен - ауыл шаруашылығы министрі бұйрығымен Жеңіс Қасымбек, Сапархан Омаров, Руслан Дәленов, Берік Шолпанқұлов, Ербол Қарашукеев «ҚазАгро» Ұлттық холдингі» АҚ Директорлар кеңесінің мүшелері болып сайланды. Бұл туралы компанияның баспасөз қызметі хабарлады.

Сондай-ақ, Ораз Жандосов, Жанна Егімбаева, Ербол Есенеев және Берік Мұхамбетжанов Директорлар кеңесінің тәуелсіз директорлары болды.

Осы бұйрықпен «ҚазАгро» Ұлттық холдингі» АҚ Директорлар кеңесінің мүшелері ретінде Өмірзақ Шөкеевтің, Әлихан Смайыловтың, Тимур Сүлейменов пен Рүстем Құрмановтың өкілеттігі мерзімінен бұрын тоқтатылды.