Қазақстан әлемдегі ең бақытты елдер рейтингінде 54 орынды иеленді. Республика тізімде Еуразиялық экономикалық одақ елдерінің алдына шықты. 

Сонымен 157 мемлекеттің арасында Қазақстан бақыт деңгейі бойынша 54 орынға тұрақтады. Ал ЕАЭО елдері арасында Ресей 56 орынға, Беларусь 61 орынға, Қырғызстан 85 орынға, Армения 121 орынға ие болды. Азиялық елдер арасында Жапония Қазақстаннан тек бір орынға жоғары тұр.

Айта кетейік, жыл сайынғы рейтинг тізімін Колумбия Университетінің Жер институты құрады. Тізімді дайындау барысында мемлекеттердің ЖІӨ, мемлекеттің әлеуметтік қолдауы, сайлау еркіндігі және жемқорлыққа қарсы әрекеттері есепке алынады.

Ең бақытты елдер тізімін Дания елі бастады. Сондай-ақ алғашқы ондыққа Швейцария, Исландия, Норвегия, Финляндия, Канада, Нидерланды, Жаңа Зеландия, Аустралия және Швеция елдері енді. Ал соңғы орында африкалық Бурунди Республикасының аты аталды.