Алматы. 6 қыркүйек. 7kun.kz – Қазақстан Дүниежүзілік экономикалық форумның талдаушылары дайындаған «Туризм және туристік бәсекеге қабілеттілік рейтингі — 2019» бойынша 80—ші орынға ие болды.

Посткеңестік кеңістіктегі елдердің ішінде Ресей ең жақсы позицияға ие — 39 орын. Эстония мен Латвия сәйкесінше 46-шы және 53-ші орындарға тұрақтады. Литва — 59 орын, Грузия — 68 орын, Әзірбайжан — 71 орын, Украина — 78 орын, Армения — 79 орын және Қазақстан — 80 орын. Соңғы орындар Тәжікстан (104 орын) және Қырғызстан — 110 орын.

Беларусь, Молдова, Өзбекстан және Түркіменстан рейтингке кірмеді.

Рейтингті Испания, Франция, Германия, Жапония және АҚШ бастап тұр. Соңғы орындар Йемен, Чад, Либерия, Бурунди және Конгоға тиесілі.