Алматы. 7 маусым. 7kun.kz - Қазақстанда жаңа үй бағасы 2016 жылдың мамырында осы жылдың сәуір айымен салыстырғанда 1 пайызға арзандады деп хабарлайды Статистика комитеті.

2016 жылғы мамырда өткен аймен салыстырғанда жаңа тұрғын үйлерді сату бағалары - 1%, абаттандырылған тұрғын үйлерді – 0,7%, абаттандырылмаған тұрғын үйлерді – 0,1%-ға төмендеді. Абаттандырылмаған тұрғын үйді жалға алу төлемі - 2%, абаттандырылған – 1,8%-ға төмен болды. Республика бойынша 2016 жылдың мамыр айында жаңа үйлердің шаршы метрі - 250 мың 712 теңге, қайта сатылымға қойылған үйлер - 191 мың 926 теңге, абаттандырылмаған үйлердің шаршы метрі - 115 мың 400 теңгені құраған.