Алматы. 19 желтоқсан. 7kun.kz — Энергетика вице-министрі Әсет Мағауов Қазақстан қандай жағдайда атом электр станциясын салу туралы мәселені қарауға қайта оралатынын айтты.

«Жыл басында бұл мәселені талқылау өте белсенді болды. Содан кейін министрліктің ресми ұстанымы жарияланды. Біз оны ұстанамыз. Қазір нарықта электр энергиясын өндіру толық қамтамасыз етілген", - деді Әсет Мағауов ОКҚ брифингінде.

Оның пайымдауынша, АЭС немесе кез келген басқа электр станциясын салу елдегі электр қуатының нақты тапшылығы жағдайында мүмкін болады.

«Егер болашақта бізде тапшылық болса, онда біз станцияның түрін таңдау туралы мәселені қарастырамыз - ол атомдық болсын, көмір болсын. Атом электр станциясын саламыз деп айтуға әлі ерте, мұның бәрі тапшылықтың болуына және қандай станцияны таңдайтынымызға байланысты », - деп түйіндеді энергетика вице-министрі.

Бұған дейін Қазақстан президенті Қасым-Жомарт Тоқаев 2030 жылға қарай Қазақстан электр энергиясының тапшылығына тап болатынын айтты, алайда АЭС-ын көпшіліктің пікірін ескеріп қана салуға болады.