Алматы. 2 тамыз. 7kun.kz — Қазақстан Республикасының Әділет министрі Марат Бекетаев ҮЕҰ өкілдерімен кездесуде алимент төлеу қорын құруды ұсынды. Оның тұжырымдамасы шет елдердің тәжірибесіне негізделген.

Министр айтқандай, мұндай қор Финляндияда бар. Ол алимент төлеушілерге өмірдің қиын кезеңінде, мысалы, жұмыстан айырылған немесе ауырып қалған кезде көмектеседі.

"Мұндай жағдайларда олар алимент төлеу үшін қордан ақша алады, содан кейін бәрі ретке келген кезде, олар ақшаны қорға қайтарады. Өйткені банкте несие алу немесе қарыз алу мүмкіндігі үнемі бола бермейді. Қор алимент төлеу үшін арнайы құрылған, басқа мақсаттар үшін ол жерден ақша алу мүмкін емес", – деді Бекетаев.

Қазақстанда осындай қор құру үшін, оның айтуынша, елімізде қанша алимент төлеуші, олардың қай санаты бар екенін түсіну керек.

"Мұның бәрін зерттеу керек. Бұл қорды бос жерде құруға болмайды. Мұның басқа әлеуметтік жеңілдіктерге қандай қатысы бар екенін түсіну керек. Бұрмалау немесе алдау болуы мүмкін. Сондықтан біз бұл мәселеге өте сақтықпен қараймыз, енді Парламент Мәжілісінің депутаттарымен бірге пилотты іске қосу үшін «Сот орындаушыларының мәртебесі туралы» Заңға өзгерістер енгізуді ұсындық. Парламенттегі талқылау барысында біз бұл мәселені одан әрі зерттейтін боламыз, бірақ үш-бес жылдан кейін осындай қор құру туралы идея бар», - деп сөзін аяқтады Марат Бекетаев