Қазақстанда бензин жыл басынан бері 0,3%-ға, дизель отыны 1,7%-ға арзандады, деп хабарлайды 7kun.kz.

2022 жылғы қаңтар-ақпанда Қазақстанда 795,3 мың тонна бензин өндірілген. Бұл көрсеткіш жыл бойы өзгерген жоқ. Бұл ретте дизель отыны өндірісі бір жылда 9,7 %-ға өскен.

Биыл қаңтарда жергілікті кәсіпорындар бензинге деген сұранысты толық, дизель сұранысын 96,4%-ға қамтамасыз етті. Жанар-жағармайды экспорттауға тыйым салынғандықтан, ол экспортқа шығарылмаған. Салыстыру үшін, 2021 жылғы қаңтар-желтоқсанында бензин экспорты - 100,9 мың тонна, дизель отыны экспорты 223,3 мың тонна болған.

2022 жылғы ақпанның аяғында бензин бағасының жылдық өсімі бірден 18,7 пайыз, ал дизель отынының бағасы бірден 44,2% болды. Алайда бұл былтыр бағаның өсуі нәтижесі. Биыл ақпанда 2021 жылғы желтоқсанмен салыстырғанда бензин 0,3%-ға, дизель отыны 1,7%-ға арзандаған.

Жыл бой бензин бағасының өсуі Түркістан облысында (21,2%), Жамбыл облысында (20,1%), сондай-ақ БҚО мен Алматыда (19,8%) көбірек байқалды.

Дизель отынының қымбаттауы бойынша Батыс Қазақстан облысы көш бастап тұр - 72,5%. Үштікке Ақмола және Солтүстік Қазақстан облыстары да кірген.

Ақпанда дизель отынының орташа бағасы литріне 235 теңге, қыста 346 теңге болды. АИ-98 бензині литріне - 232 теңге, АИ-95/96 бензині литріне - 210 теңге.