Алматы. 4 қаңтар. 7kun.kz – Қазақстанда 2018 жылдың қорытындысы бойынша ең төменгі күнкөріс деңгейі 3,3%-ға өсіп, 26,4 мың теңгені құрады.

Айта кетейік, ең төменгі күнкөріс деңгейінде азық-түлік өнімдеріне 14,5 мың теңге, азық-түлік емес тауарлар мен ақылы қызметтерге 11,9 мың теңге бөлінген.

Ең жоғары күнкөріс деңгейі Маңғыстау облысында (32,9 мың теңге), Астанада (30,1 мың теңге) және Алматыда (29,8 мың теңге), ал ең төмен күнкөріс деңгейі Жамбыл облысында (23,7 мың теңге) және Павлодар облысында (23,5 мың теңге) тіркелді.

Ең жоғары күнкөріс деңгейінің өсуі Ақмола облысында (7%), СҚО (6,7%) және Маңғыстау облысында (6,6%) болды.