Биыл Қазақстанда ет қымбаттайды. Бұндай болжамды Қазақстан ет одағының атқарушы директоры Асқар Жұбатыров айтты, деп хабарлайды 7kun.kz.

Ол бағаның өсуіне былтырғы құрғақшылық пен жем бағасының күрт қымбаттауы әсер ететінін айтты.

"Биылғы жылы ет бағасы бәрібір өседі. Күзге қарай сөрелерден сиыр етін орташа өлшенген бағасы 3,5 мың теңге көре аламыз. Қазір ол 2,6-2,8 мың теңгеден сатылуда, кейбір өңірлерде 3 мың теңгеге дейін жетеді. Ал өзіндік құны қазір шамамен 2 мың теңгені құрайды", - деп түсіндірді Жұбатыров.

Оның айтуынша, теңге бағамы ұлттық валютадағы бағаға да әсер етеді. Мысалы, 2021 жылы ет орташа есеппен 11% - ға қымбаттады. Бұл ретте қой еті 15 %-ға, ал сиыр еті 8%-ға жуық, бұл инфляциялық дәлізге сәйкес келеді.

"Бұл – сиыр етін жеткілікті мөлшерде өндіретін көрсеткіш", - деп түсіндірді Жұбатыров.

Ресейге қарсы санкциялардың әсеріне келетін болсақ, бәрі Ұлттық Банктің ақша-кредит саясатына байланысты болады.

"Егер интервенциямен айналысуды жалғастыратын болсақ, рубль құнсызданып, Қазақстанда ет арзандауы мүмкін. Бірақ бұл мәңгілікке созылуы мүмкін емес, өйткені Ресей өзін бұл өніммен толық қамтамасыз ете алмайды. Ресей жылына шамамен 340 мың тонна сиыр етін импорттайды, оның ішінде Украинадан да. Бразилия Ресей Федерациясын етпен қамтамасыз ете алады. Бірақ бұл жерде санкциялар мәселесі орын алады. Осыған сәйкес Ресей нарығында үлкен ет тапшылығы болуы мүмкін", – деді ол.

Сарапшының айтуынша тағы бір ықтимал нұсқа, теңге/рубль бағамына байланысты қазақстандық еттің Ресейге экспортталуы мүмкін.

Сонымен қатар, қазақстандық етті экспорттауда шешімін таппаған бірқатар мәселелер бар дейді сарапшы. Соның салдарынан шаруалар шығынға батып отыр.

Оның айтуынша, 2021 жылы Қазақстан 540 мың тонна өнім өндіріп, жылдық тұтыну 450-460 мың тоннаны құраған. Маманның айтуынша, Қазақстанда сиыр етімен қамтамасыз етуде ешқандай қиындық жоқ.