Алматы. 5 ақпан. 7kun.kz — Қазақстанда заңсыз лотерея үшін жеке тұлғаларға 530,2 мың теңге және заңды тұлғаларға 5,3 млн теңге айыппұл енгізу ұсынылды.

Мәжілістің жалпы отырысында депутат Павел Казанцев үкімет лотереяны заңсыз өткізгені үшін әкімшілік жауаптылықты енгізуді ұсынатынын атап өтті.

«Лотерея операторы болып табылмайтын адамдарға ескерту жасалады, содан кейін қайталанған жағдайда құқық бұзушылық үшін айыппұл салынады. Айыппұл мөлшері жеке тұлғалар үшін 200 АЕК-тен (530,2 мың теңге) және ірі кәсіпкерлік субъектілері үшін табыстарын тәркілеумен 2 мың АЕК-ке (5,3 млн теңге) дейін болады. Осы фактілерді кім анықтап, әкімшілік хаттама жасайды? Өйткені, мәдениет және спорт министрлігінің облыстарда аумақтық органдары жоқ, ал әкімдіктерде мұндай өкілеттіктер жоқ. Бұл норма қалай жұмыс істейді? « - деп сұрады ол.

Өз кезегінде мәдениет министр Ақтоты Райымқұлова лотерея операторы мүдделі тұлға ретінде барлық нарыққа мониторинг жүргізіп, мәліметтерді ведомствоға жіберетінін түсіндірді.

"Заңсыз лотерея фактілері анықталғанда, біз әкімшілік жауапкершілікке тартамыз. Бүгінгі күні Экономикалық тергеу органдарына жібереміз. 2019 жылы "Сәтті Жұлдыз" лотерея операторы заңсыз лотерея өткізген 647 мекен-жайды анықтады. 320 қылмыстық іс қозғалды, бұрын ойындар өткізілген 571 нүкте қазір жабылған, сондай-ақ 10 мыңнан астам құрал тәркіленген. Келісемін, бүгінгі таңда бізде өңірлерде штаттық бірлік жоқ", - деді министр.

Мұндай жауап мәжіліс спикері Нұрлан Нығматулиннің наразылығын тудырды.

"Мұндай фактілерді кім анықтайды? Бұл мемлекеттік функциялар. Сіз оларды жеке компанияға қалай бере аласыз? Сіз фактілерді кім бақылайтынын және анықтайтынын өзіңіз түсінуіңіз керек. Осыны анықтаңыз", - деді ол.

Сондай-ақ, Райымқұлова "Сәтті Жұлдыз" мониторингті анықтап, жүргізіп жатқанын айтты.

"Бүгінде бізде штаттық бірлік жоқ. Біз лотерея операторының өтінімдері мен мониторингіне назар аударамыз. Бірақ мен мұнда пысықтауды талап ететін нәрселер бар екеніне келісемін", – деп түйіндеді министр.