Алматы. 15 шілде. 7kun.kz – 2025 жылға қарай онлайн-сауда көлемі елдегі жалпы бөлшек сауданың 5%-ын құрайды, - деп мәлімдеді ҚР Премьер-Министрі Асқар Мамин.

«Онлайн-сауда нарығы жаңа жұмыс орындарын құру үшін үлкен әлеуетке ие. 2025 жылға қарай қазақстандық интернет-алаңдарда сатып алу көлемі 500 млрд теңгеге дейін ұлғайып, жалпы бөлшек сауданың 5%-ын құрайды. Электрондық коммерция аясында логистикалық компаниялардың транзитінен күтілетін кіріс 1,3 трлн теңгеге дейін артады. Тиісті салаларды ескере отырып, 280 мыңға жуық жаңа жұмыс орны ашылады», - деді ол 15 шілде күні ҚР Президентінің қатысуымен өткен Үкіметтің кеңейтілген отырысында.

«2025 жылға дейінгі туризмді дамытудың жаңа мемлекеттік бағдарламасын іске асыру салаға салынатын инвестицияларға 600 миллиард теңгені тартумен байланысты салаларды ескере отырып, 200 мың жұмыс орнын құруға мүмкіндік береді. 2025 жылға қарай туризмнің ЖІӨ-дегі үлесі 8%-ға дейін өседі », - деді А.Мамин.

Көлік және логистиканы дамыту шамамен 150 мың жаңа жұмыс орнын құруға және саланың үлесін ЖІӨ-де 10%-ға дейін ұлғайтуға мүмкіндік береді.

Сондай-ақ, Үкімет 2025 жылға қарай экономика бойынша орташа еңбек өнімділігін кемінде 33%-ға арттыру және шикізаттық емес экспортты 38 млрд долларға дейін ұлғайту міндетін қойып отыр.