Алматы. 9 ақпан. 7kun.kz – ҚР ЕХӘҚМ Еңбек ресурстарын дамыту орталығының мамандары талдау жүргізіп, 2021 жылы Қазақстанда қанша фрилансер ресми жұмыс істегенін анықтады. Бұл туралы Еңбек министрлігінің баспасөз қызметі хабарлады.

Бүгінгі таңда әлемде ғана емес, Қазақстанда да фрилансерлік қызметтер нарығының нақты көлемін бағалау өте қиын, көптеген фрилансерлер назардан тыс қалады, мысалы, шетелдік компаниялар үшін жобаларды орындау.

Сарапшылар осы айда осы жұмыс берушіден әлеуметтік аударымдар болмаған кездегі қазақстандықтарда міндетті зейнетақы жарналарының болуына талдау жүргізе отырып, 2021 жылы Қазақстанда 1 млн-нан астам адам фрилансер болып жұмыс істеді деген қорытындыға келді. Сонымен қатар фрилансерлердің 78%-ы мұндай жұмысты жалдамалы жұмыспен біріктірді.

«Қазақстанда фрилансерлердің айлық орташа саны 255,8 мың адамға жетті. 2021 жылы фрилансерлердің 48%-ы тек бір жұмыс берушіде, 18%-ы екі, 10%-ы үшеуінде жұмыс істеді. Фрилансерлердің негізгі бөлігі білім беру, сауда салаларына (15%-дан), сондай-ақ мемлекеттік басқару және әлеуметтік қамсыздандыру секторына (13%) тиесілі», – делінген хабарламада.

Ведомство мәліметінше, орташа табыс 124 мың теңгені, медианалық табыс 65 мың теңгені құрады. Бұл шарт бойынша сыйақы мөлшері аз адамдардың көп екендігін көрсетеді. Бұл ретте ең жоғары табыс кәсіптік және ғылыми қызмет салаларына (орташа табыс 211 мың теңге және медианалық табыс – 111 мың теңге), тау-кен өндіру өнеркәсібіне (209 мың және 149 мың теңге), ақпарат пен байланысқа (188 мың және 93 мың теңге) тән.

Өңірлерге қатысты жиынтығында Алматы, Астана және Шымкент қалаларына барлық фрилансерлердің шамамен 41%-ы келеді, оның ішінде тек Алматыда-22%.