Нұр-Сұлтан. 6 маусым. 7kun.kz – Энергетика министрі Болат Ақшолақовтың айтуынша, Қазақстанда сұйытылған газ бағасы көтерілуі мүмкін, деп хабарлайды 7kun.kz.

2022 жылдың қаңтарында Бәсекелестікті қорғау және дамыту агенттігі сұйытылған мұнай газын 180 күнтізбелік күнге бөлшек саудада өткізуге мемлекеттік баға реттеуін енгізді. Мерзім шілдеде аяқталады, содан кейін баға сәл көтерілуі мүмкін.

«Алдағы 180 күнде баға 20%-ға қымбаттауы мүмкін. Мысалы, баға қазір тоннасына 28 мың теңге болса, ол 36 мың болады. Көтерме баға литріне 17 теңгеден 19 теңгеге көтеріледі, яғни литріне 2 теңге қосылады. Жанармай құю бекеттеріндегі бағаны бақылауда ұстаймыз», – деді Ақшолақов.

Ол Энергетика министрлігі Ұлттық экономика министрлігімен және Бәсекелестікті қорғау және дамыту агенттігімен бірлесе жанармай бағасының негізсіз өсуін бақылауға алатынын атап өтті.