Алматы. 14 қазан. 7kun.kz – Ағымдағы жылдың тамыз айының қорытындысы бойынша елде такси қызметінің құны жылына орта есеппен 9%-ға, ал Жетісу облысында 37,7%-ға қымбаттады. Бұл туралы ranking.kz Ұлттық статистика бюросының мәліметтеріне сілтеме жасап хабарлады.

Антирейтингтің екінші және үшінші орындарын Алматы (28,1%) және Абай облыстары (21,2%) иеленді.

Ең аз жылдық баға өсімі Ақмола облысында тіркелді, 0,5%-ға қымбаттаған. Тағы төрт облыста, оның ішінде Ақтөбе, Қарағанды, Ұлытау және Түркістан облыстарында баға бір жыл бұрынғы деңгейде қалды.

Жыл басынан бері 1,4 млрд жолаушы такси қызметін пайдаланды, бұл бір жыл бұрынғыдан 6,1%-ға артық. Жолаушылар айналымы бір жылмен салыстырғанда 8,7%-ға өсіп, 20,7 млрд пкм құрады.

ТМД елдерінің ішінде ең қымбат такси қызметі Әзірбайжанда, Ресейде және Қазақстанда. Ал ең арзан такси қызметі Беларусь, Өзбекстан, Молдова және Армения елдерінде.