Алматы. 13 қараша. 7kun.kz —  2019 жылғы қазанда жаңа тұрғын үйдің 1 шаршы метрінің құны 289,9 мың теңгені құрады, бұл өткен жылғы қазанға қарағанда 9,3%-ға артық (265,3 мың теңге), деп Статистика комитеті хабарлады.

Абаттандырылған екінші деңгейлі тұрғын үй бір жыл ішінде 7,5%-ға, шаршы метр үшін 184,9 мың теңгеден 198,7 мың теңгеге дейін қымбаттады. Жалға берілетін тұрғын үйдің шаршы метрінің бағасы 8,6%-ға, 1,5 мың теңгеге дейін көтерілді.

Сонымен қатар, өткен аймен салыстырғанда республика бойынша орташа есеппен жаңа тұрғын үйдің бір шаршы метрін сату бағасы 1,5%-ға, абаттандырылған тұрғын үйді қайта сату - тиісінше 0,7%-ға өсті. Абаттандырылған тұрғын үй үшін жалдау ақысы 0,9%ға жоғары болды.

Өңірлік бөліністе тұрғын үйдің ең жоғары бағасы үш мегаполис пен Атырауда тіркелді. Ал Қазақстанның оңтүстігі мен Ақтөбеде жылжымайтын мүлік құны арзан.