Алматы. 1 тамыз. 7kun.kz — Республикамызда вагон жасау қуаттары жыл басынан бері Ресей Федерациясынан компрессорлық арқалықтарды жеткізудің жоқтығы аясында тоқтап тұр. Бұл туралы Индустрия және инфрақұрылымдық даму вице-министрі Аманияз Ержанов хабарлады.

"Теміржол машиналарын жасауды индустрияландырудың соңғы жылдары белсенді дамуы байқалатын экономика секторларына жатқызуға болады. Алайда, биылғы жылдың басынан бері бұл секторда жүк вагондары өндірісінің құлдырауы байқалады. Төмендеу "ЗИКСТО" АҚ мен "Қазақстан вагон жасау компаниясы" ЖШС Ресей Федерациясынан үрмелі арқалықтың жеткізілмеуіне байланысты. Біздің кейбір өнеркәсіптік кәсіпорындарымыздың басқа елдерден жеткізушілерге тәуелділігі осы кәсіпорындардың тұрақты жұмысына кері әсер етеді", - , – деді ол.

Сонымен қатар, вице-министр атап өткендей, машина жасаудың басқа секторларында өсім байқалуда. Атап айтқанда, жекелеген кәсіпорындар, мысалы, "Қайнар АКБ" ЖШС, өнімнің 50%-дан астамын шетелдік нарыққа экспорттайды, "Алагеум электрик" АҚ трансформаторлар шығаратын төртінші зауыт салып, республика аумағынан тыс жерлерде өндірісті дамытуды жоспарлап отыр.

"2018 жылдың қорытындысы бойынша елімізде трансформаторлар шығару 21%-ға, талшықты-оптикалық кабельдер – 80%-ға, электр аккумуляторлары - 20%-ға, шамдар - тоғыз есе өсті. Өсімге ТМД елдерінің нарықтарына, әсіресе Ресей Федерациясына экспорттық жеткізілімдердің артуы ықпал етті", – деді Ержанов.

Айта кетейік, 2018 жылы Қазақстанда жалпы сомасы 1 трлн теңгеден астам сомаға машина жасау өнімі өндірілді. Ағымдағы жылы 54 млрд теңгенің 10 жобасын іске қосу жоспарланған.