Алматы. 25 сәуір. 7kun.kz — Екі жылдан астам уақыт ішінде банк жүйесі проблемалық кредиттерден шамамен 35-40%-ға тазартылды. Бұл туралы Fitch Ratings жыл сайынғы конференциясы аясында Халық Банкі басқармасы төрағасының орынбасары Мұрат Көшенов мәлімдеді.

«Әрине, егер сіз ағымдағы сандарға назар аударсаңыз, әлі де жаман болып көрінеді, бірақ есепке 6 трлн теңгені алсақ, екі жылдан аз уақыт ішінде банк секторын тазалау бойынша үлкен жұмыс істелгенін көруге болады», - деп түсіндірді Көшенов.

Сондай-ақ, спикер бүгінгі таңда проблемалық кредиттердің қалдығы бағалау бойынша 10%-ды құрайтынын атап өтті.

Fitch Ratings талдауына сәйкес, 3 сатылы кредиттер (құнсызданған кредиттер) және 2 сатылы кредиттер (кредиттік сапасының нашарлаған кредиттер) 2018 жылдың соңында тиісінше 20% және 9% құрады.

«Банк секторындағы жағдай біркелкі емес және бұл мүмкін әлі де белгілі бір қауіп - қатерлерге алып келеді», - дейді Көшенов.

Оның айтуынша, сектор одан әрі тазалана ма, жоқ па, ол экономикалық жағдайға, сыртқы ортаға және т. б. байланысты болады.

Fitch Ratings, өз кезегінде, банк секторын тазартудың жалғасуы аясында қазақстандық банктердің активтері сапасының төмендігі бұрынғысынша олардың рейтингтерін анықтайтын аса маңызды фактор екенін мәлімдеді.

«Біз активтердің сапасына қатысты проблемаларды бірқатар қазақстандық банктердің соңғы қаржы қиындықтарының басты себебі деп санаймыз. Банктер сайып келгенде осы кредиттер бойынша қосымша резервтер құруды талап етуі мүмкін», - делінген ведомство хабарламасында.