Алматы. 3 ақпан. 7kun.kz — 2019 жылы Қазақстанда жаңа автокөлік сатып алу үшін орташа чек 5,7% өсті. Бұл туралы "КазАвтоПром" хабарлады.

Одақтың ақпараты бойынша, 2019 жылы сатып алынған жеңіл автокөліктің орташа құны 8,9 млн теңгені құрады. Сонымен қатар, қазақстандық өндірістің автомобильдері сегментінде бұл сан орташа нарықтық мәннен – 6,8 млн теңгеге төмен болды. Импорттық автомобильдің орташа құны 10,9 млн теңге белгісінде тіркелді.

Сонымен бірге, 2019 жылдың қорытындысы бойынша сатып алушылардың 27%-ы 5 миллион теңгеден аспайтын автомобильдерді таңдаған. Бір жыл бұрын бұл сегмент нарықтың 35% иеленді. Ал 5-тен 7 млн теңгеге дейінгі баға диапазонында техниканың бестен бір бөлігі сатылды – 20,3% (14,5 мың бірлік). Сегменттің үлесі 1,5%-ға төмендеді. Сатып алушылардың 15,8%-ы құны 7 млн теңгеден 10 млн теңгеге дейінгі (11,3 мың бірлік) автокөліктерге қызығушылық білдірді.

Бизнес (10-15 млн теңге) және премиум-класс сегменттері (15 млн теңгеден астам) жаңа автомобильдер нарығының тиісінше 26,2%- ын (18,7 мың бірлік) және 10,7%-ын (7,6 мың бірлік) құрады. 10 миллион теңгеден қымбат тұратын техниканың жалпы үлесі 9%-ға өсті және бүгінде бастапқы нарықтың үштен бір бөлігінен (36,9%) асты. Сатылымның өсуі бизнес-класс седандарының қол жетімді желісін жаңартумен байланысты.

Ең қолжетімді жеңіл модельдердің үздік ондығындағы позициялардың көпшілігі қазақстандық автоөндірушілерге тиесілі. Құны 2,7 млн теңгеден басталатын Өскеменде өндірілетін Lada Granta баға қолжетімділігінің көшбасшысы болды. Ең арзан ТОП-10 автокөлікке Lada 4x4 (3,4 млн теңге), Ravon Nexia (3,5 млн теңге), Chevrolet Niva (4,17 млн теңге), Ravon R2 (4,2 млн теңге), Ravon R4 (4,21 млн теңге), Lada Largus (4,3 млн теңге), Lada XRAY (4,4 млн теңге), Lada Largus LCV (4,9 млн теңге) және UAZ Patriot Pickup (5,8 млн теңге) кірді.

Ең қымбат модельдер рейтингісі келесідей ретпен құрылды: Lexus LS (56,7 млн теңге), Porsche Panamera (56,3 млн теңге), Porsche Cayenne (43,8 млн теңге), Lexus LX (40,5 млн теңге), Audi Q8 (39 млн теңге), BMW 8 Series (37,8 млн теңге), Land Rover Range Rover (37 млн теңге), Cadillac Escalade (34,3 млн теңге), BMW X7 (33 млн теңге) және Lexus GX (32,3 млн теңге).