Алматы. 15 мамыр. 7kun.kz – 2019 жылғы қаңтар-наурыздағы Қазақстанның ЕАЭО елдерімен өзара саудасы 4 446,8 млн долларды құрады. Өткен жылғы қаңтар-наурызбен салыстырғанда 0,3%-ға кем. Бұл туралы ҰЭМ Статистика комитеті хабарлады.

Оның ішінде экспорт – 1 344,5 млн доллар (4,8%-ға азайды), импорт – 3 102,3 млн доллар (1,7%-ға өсті).

Қазақстанның ЕАЭО елдерімен сыртқы сауда айналымы жалпы көлемінде Ресей Федерациясына – 92,8%, Қырғызстан Республикасына – 4,0%, Беларусь Республикасына – 3,1%, Армения Республикасына – 0,1% келеді.