Алматы. 27 қараша. 7kun.kz — 2018 жылы ҚР-да 2,8 млн тонна коммуналдық қалдықтар жиналды - 2017 жылмен салыстырғанда 5,4%-ға аз (3 млн тонна). Негізгі үлес үй шаруашылықтарының қалдықтарына тиесілі (74,1%), 12,5% — өндіріс қалдықтары, 9,7% — көшелерден жиналған қоқыс, 2,1% - нарықтық қалдықтар. Мұндай мәліметтерді finprom.kz ұсынды.

2018 жылы ресми түрде жұмыс істейтін қоқыс тастайтын орындар 3,4 млн тонна коммуналдық қалдықтарды қабылдады. Оның ішінде 69,3%-ы сақтауға қабылданды, 18,2%-ы сұрыпталды және одан әрі өңдеуге жіберілді, 12,5%-ы кәдеге жаратылды. 2018 жылдың соңында ресми жұмыс істейтін полигондарда (қоқыс тастайтын жерлерде) 46,7 млн тоннадан астам қалдық жинақталған.

Айта кету керек, бүгінде елімізде қайта өңдеуді қажет ететін өндірілген қалдықтар көлемінің проблемасы маңыздылыққа ие. 2019 жылдың ІІІ тоқсанында республика бойынша ҚТҚ өңдеу үлесі 13,2%-ды құрады, жоспар бойынша - 14% (2016 жылы — 2,6%, 2017 жылы — 9%, 2018 жылы — 11,5%).

Өткен жылдан бастап қоршаған ортаны қорғауға бағытталған инвестициялардың айтарлықтай өсуі байқалады. Ағымдағы жылдың он айының қорытындысы бойынша сектордағы салымдар сомасы 106,5 млрд теңгені құрады — өткен жылдың сәйкес кезеңіне қарағанда (61,1 млрд теңге) 74,1%-ға артық. Жалпы, 2018 жылдың 12 айында инвестиция 2,5 есеге артып, 80,2 млрд теңгеге жетті.