Алматы. 12 қазан. 7kun.kz – 2018 жылдың 12 қазанынан бастап Қазақстанға Қырғызстаннан кіргізілетін ет өнімдеріне уақытша шектеу енгізілді, - деп хабарлайды ҚР АШМ баспасөз қызметі.

Шектеу Қырғызстан Республикасының аумағындағы жануарлардың аса қауіпті аурулары бойынша қолайсыз жағдайға байланысты қойылып отыр. Осылайша, Қазақстан Республикасына ветеринариялық бақылау және қадағалау өнімдерін экспорттауға құқығы бар 5 қырғыз кәсіпорнына шектеу қойылды. Олар: ОсОО «Риха», ЖАҚ «Кантский хлебзавод», ОсОО «Баркад», ОсОО «Салих ЛТД» және ОсОО “Адал-Азык”.

Сондай-ақ белгілегендей, шығыс инспекция қорытындысы бойынша 2012 жылдан бері тағы 4 қырғыз кәсіпорнына уақытша шектеу қолданылды.