2015 жылы бір жасқа дейінгі бала күтіміне байланысты жәрдемақы төлеуге республикалық бюджеттен 28,6 млрд астам теңге бөлінді, деп хабарлайды еліміздің Денсаулық сақтау және әлеуметтік даму министрлігі.

«Жәрдемақының мұндай түрін алушылардың жылдық орташа саны 142,3 мың адамды құрады. Ал жәрдемақының мөлшері балалардың кезегіне қарай 11 417 теңгеден 17 640 теңге аралығында құрады», - делінген бейінді ведомство таратқан хабарламада. Министрліктің мәліметінше, 2016 жылы бір жасқа дейінгі бала күтіміне байланысты жәрдемақы төлеуге республикалық бюджетте 37,3 млрд теңге қарастырылған. Фото:kostanay.kz