Алматы. 1 ақпан. 7kun.kz – Айтыскер ақын Ринат Зайытов Мәжіліс сайлауына қатыспақ. Бұл туралы ол әлеуметтік желідегі парақшасында жазды, деп хабарлайды 7kun.kz.

«Құжат тапсырылды. Қазақстан Республикасы Парламенті Мәжілісінің депутатын сайлау бойынша нөмірі үшінші бір мандаттық аумақтық сайлау округінің сайлау комиссиясына бүгін мажоритарлық жүйемен өзімді-өзім Қазақстан Республикасы Парламент депутатына кандидаттыққа ұсындым. Мойындаймын. Оңай келген шешім емес», – деді Зайытов.

Айта кетейік, мәжіліс пен мәслихат депутаттарын сайлау биыл 19 наурызда өтеді. Кандидаттарды ұсыну 20 қаңтар мен 8 ақпан аралығында жүреді.