Барселонада өткен MWC 2016 көрмесінде Samsung компаниясы жаңа Galaxy S7 және S7 edge смартфондарын таныстырды. Жаңа гаджет қуаттағышының ұзақ мерзімге шыдайтындығымен  және су өткізбейтіндігімен ерекшеленеді деп хабарлайды lenta.ru.

Флагмандық Samsung Galaxy S7 және S7 Edge-нің сыртқы корпусы компанияның осыған дейінгі Galaxy S6 үлгісіне ұқсас. Бірақ бұл жолғы құрылғы соққыға шыдамды 3D Corning Gorilla Glass 4 материалынан жасалған.  Камераның объективі - 0,46 миллиметр. Осыған дейіні S6-ның обьективі 1,4 миллиметр болған еді. Смартфонның «Black Diamond», «Platinum» және «Титан күміс» деген түстері бар.

Жаңадан шығарылған телефон  бір жарым метр тереңдікте де су өткізбейтін корпусымен және шаңнан қорғау қабатымен ерекшеленеді.