Оңтүстік кореялық  Samsung компаниясы Нью-Йоркте ресми түрде Galaxy Note 5 және Galaxy S6 Plus фаблеттерін таныстырды. Galaxy S6 және Galaxy S6 Edge тәрізді жаңа модельдер Samsung-тың сыйлықақылы смартфондар нарығындағы позицияларын нығайтуы қажет.

Әдетте корейлік компания жаңа Galaxy Note-ті Германияда дәстүрлі түрде 10 қыркүйектен кейін өтетін IFA көрмесінде таныстырады. Бірақ ресми емес дереккөздердің мәліметі бойынша, Apple таныстырылымы 9 қыркүйекте өтеді деген ақпарат шықты. Екінші нөмірлі болмау үшін Samsung тұсаукесерінің мерзімін өзгертті деп жазады РБК. Galaxy Note 5 — Samsung-тың танымал фаблеттер желісіндегі кезекті өнім. Жаңа үлгінің корпусы шыны мен металлдан жасалған және Galaxy S6 дизайнына ұқсас. Диагоналі 5,7 дюйм болатын Super AMOLED экраны бар. Жалпы алғанда Galaxy Note 4 сипаттамасына ұқсайды, бірақ біршама ыңғайлы және жеңіл. S6 Edge Plus алдыңғы үлгісі S6 Edge-ге қарағанда ұзындығы 12 мм-ге, ені 5 мм-ге артық. Samsung Galaxy Note 5 және Galaxy S6 Edge Plus АҚШ-та сатылымға шықты. Samsung-тың жаңа смартфондары корейлік компанияның сыйлықақылы смартфондар нарығындағы үлесін көбейту үшін бағытталған. Компанияға жақын дереккөздің мәліметінше, 2015 жылдың қаңтарынан бастап S6  желісінде 47,5 мың құрылғы сатылған.