Алматы. 25 маусым. 7kun.kz – Арыс қаласында саперлер тобы оқ-дәрілерден тазарту жұмыстарын бастап кетті, - деп хабарлайды қорғаныс министрлігінің баспасөз қызметі.           

«Ең бірінші темір жолдар мен Арыс қаласының темір жолға жақын орналасқан тұрғын ғимараттары тазартылуда», – делінген хабарламада.          

Жалпы жарылыс қаупі бар заттармен жұмыс істеу тәжірибесі бар 14 сапер тобы жұмыс істейді.

Қаланы қоршауға 700-ге жуық әскери жұмылдырылған. Сондай-ақ, оқиға орнында 1200 адамға арналған шатырлы лагерь ашылды.

Оқ-дәрілердің жарылысын жоюға жеке құрамның 1800-ге жуық адамы мен 50-ден астам техника жұмылдырылды.