Алматы. 18 шілде. 7kun.kz — Республиканың экспорттан түсетін табысына ірі экономикалар арасындағы сауда соғыстары тікелей ықпал етеді, деп хабарлады "Kazindustry" АҚ төрағасы Әлішер Әбдіқадыров.

"Бізге де бұл сәт жетті. Әлемдік сауда жүйесі ешқашан бұрынғыдай болмайды. Барлығы қазіргі таңда сауда соғыстарының қаншалықты агрессивті болып жатқанын көріп отыр, ол бізге де әсер етеді", - деді ол "Қазақстан Республикасы аймақтарында кластерлік саясатты жүзеге асыру бойынша "Қазақстандық индустрия және экспорт орталығы" шағын және орта кәсіпорындарының бәсекеге қабілеттілігі" жобасы аясында өткен конференцияда.

Әбдіқадыровтың айтуынша, әңгіме негізінен Қазақстан экспорттайтын шикізат бағасының ықпалы туралы.

"Бір жыл бұрын мыс бағасы 7 мың доллар болды, қазір - 6 мың доллар. Мыс бойынша бұл бізге нақты әсер етеді", – деді ол.

Айта кетейік, конференцияға қатысушылар кластерлік бағдарламаның шарттары бойынша 2015-2021 жылдары Қазақстанда аумақтық кластерлердің жай-күйіне диагностика жүргізуге, қызметкерлерді оқытуға және басқа да іс-шараларға 18 млн доллар бөлінгенін хабарлады.

"Бұл бірінші қадам емес. Бізде кластерлермен айналысудың қажеті жоқ деген тәжірибе бар. Көп нәрсені үйрендік. Менің ойымша, біз кластерлердің не екенін түсіндік", - деді Әбдіқадыров.

Сонымен қатар, компания басшысы Қазақстандағы кластерлер "өз тиімділігін дәлелдеді" деп атап өтті.