Алматы. 25қаңтар. 7kun.kz – Әзірбайжан әуе жолдары мен Үндістанның Indigo және SpiseJet әуекомпаниялары 2019 жылдың сәуірінде Алматыға рейстерді бастайды, - деп хабарлайды Интерфакс-Қазақстан Алматы халықаралық әуежайының баспасөз қызметі сілтеме жасап.

Ағымдағы жылдың сәуір айында Әзірбайжанның ұлттық тасымалдаушысы Баку мен Алматы арасындағы тұрақты байланыстарын ашады.

«Бағыт өте перспективалы. Біздің елімізде туризмнің дамуымен қатар, ол қазақстандықтарға Еуропаға және Таяу Шығыс елдеріне ұшу кезінде, ал Әзірбайжаннан келген жолаушылар үшін – орталық және Оңтүстік-Шығыс Азия елдеріне, Батыс Сібірге және Қиыр Шығысқа ұшу кезінде ыңғайлы қону мүмкіндігін береді», - деп атап өтті Алматы халықаралық әуежайының президенті Болат Ержанов.

Сондай-ақ, әуежай президентінің айтуынша, сәуірде Indigo және SpiseJet екі үнді авиакомпаниясы Қазақстан нарығына Дели-Алматы бағытымен кіреді.

Алматы әуежайы - 1935 жылы салынған. Компанияның жалғыз акционері Амстердамда тіркелген Venus Airport Investments B. V. болып табылады.