Шағын және орта бизнестің бәсекеге қабілеттілігін арттыруға 11 млрд 400 млн теңге бөлінбек. Сенат комитетінде кәсіпорындардың қабілеттілігін арттыру туралы жобаны талқылау барысында Ұлттық экономика вице-министрі Тимур Жақсылықов осылай мәлімдеді, деп хабарлайды kazakh-tv.kz.

Қаражаттың  1 жарым миллиарды республикалық бюджеттен бөлінсе, қалған сома  - Халықаралық қайта құру және даму банкінен алынатын қарыз. Бөлінген ақшаның 85 пайызын кәсіпкерлерді оқытуға жұмсау жоспарланып отыр. "Қазіргі таңда елімізде консалтингтік қызметпен айналысатын  500 компания бар. Олардың ішінен 750 бизнес-тренер оқытылатын болады. Кейін олар өздерінің бар білгендерін  70 мыңға жуық кәсіпкерге үйретпек. Бағдарлама аяқталған соң да бұл мамандар шағын және орта бизнес өкілдерінің біліктілігін арттыру жұмыстарын жалғастыратын болады", - деді Тимур Жақсылықов. Мемлекет пен Халықаралық қайта құру және даму банкінің жобасы  5 жыл ішінде жүзеге асырылады. Фото: syrboyi.kz