Әлем. 9 шілде. 7kun.kz –Қазақстандық теннисші Елена Рыбакинаның Уимблдондағы жеңісінен кейін ол туралы ресейлік БАҚ-та қызу жазуда. Журналистер мен спорт мамандары оның Мәскеуде дүниеге келгенін айтып, оның ресейлік спортқа қандай жағдайда оралуы мүмкін екенін айтты, деп хабарлайды 7kun.kz.

Атап айтқанда, championat.com Рыбакинаның жеңісіне түсініктеме бере отырып, «Ресей астанасының тумасы ешқашан жекелей сында Уимблдон чемпионы атанбағанын» атап өтті.

«Елена Рыбакина жекелей сында Уимблдонды жеңген алғашқы мәскеулік атанды! Финалда Онс Жабермен болған ойында ол камбэк жасап, бас жүлдені жеңіп алды», – деп жазды басылым.

Сондай-ақ Ресей теннис федерациясының президенті Шамиль Тарпищев қазақстандық спортшының Ресей құрамасына қандай жағдайда орала алатынын айтты.

«Бір кездері ол Қазақстанға көшіп кетті, өйткені олар біз бере алмайтын жағдайды ұсынды. Өкінішке орай, мәселе, менің ойымша, қаржылық жағынан туындады. Оны қайтаруға тырысамыз ба? Ол қаласа қабылдаймыз, қаламаса қабылдамаймыз. Біз ойыншыларды шақыратын адамдар емеспіз», – деді Тарпищев.

Айта кетейік, 23 жастағы қазақстандық Елена Рыбакина The Championships турнирінің шешуші кездесуінде әлемнің екінші ракеткасы тунистік Онс Жаберді 3:6, 6:2, 6:2 есебімен жеңді.