Бейжің. 13 сәуір. 7kun.kz - Бейжіңде Шанхай ынтымақтастық ұйымының (ШЫҰ) бас хатшысы Рашид Алимов ШЫҰ Іскерлік кеңесінің басқарма төрағасы және Қазақстан кәсіпкерлер форумы Кеңесінің төрағасы Райымбек Баталовпен кездесті. Бұл туралы inform.kz хабарлады.

Кездесу барысында ШЫҰ Іскерлік кеңес қызметінің белсенді қоғамдық ұйымдастыру алаңы ретіндегі рөлі мен қызметі талқыланды. Оның экономикалық ынтымақтастықты кеңейтудегі, көпжақты жобаларды жүзеге асыруды қарастырды. Сонымен қатар, ШЫҰ-ға мүше мемлекеттердің іскерлік және қаржылық орталары арасында тығыз байланыс орнатудағы рөлін аталып өтті.