Шымкент. 27 сәуір. 7kun.kz – Өткен жылы Шымкент қаласында су айдындарында шомылу маусымы кезінде 2 адам қаза болған. Биыл Шымкент қаласының ТЖД 3 жағажайды қауіпсіз деп танып отыр, деп хабарлайды 7kun.kz.

Бұл туралы Шымкент қаласы ТЖ департаменті Азаматтық қорғаныс басқармасының бастығы Нұржан Қаракозев әкімдіктің Instagram-парақшасындағы «Шомылу маусымында су айдындарындағы қауіпсіздікті қамтамасыз ету» жөніндегі тікелей эфирде айтты.

Қалада суда жаппай демалу, туризм және спорт үшін белгіленген 5 орын бар. Биыл соның үшеуіне ресми түрде шомылуға рұқсат етілді. Олар Тоғыс су қоймасының «Холодильник», Бадам су қоймасының «Рахат Бадам», Қошқар ата өзенінің бастауы.